足足风行新街10几年

自称花都掌亦煲第一人

已经被小饭搜刮出来了！

今期小饭就带你地去试下味！

▼

掌亦煲

▼呐！讲起呢个掌亦煲，首先小饭要介绍一下呢只鹅！呢度每一只鹅都选用正宗走地黑棕鹅，供应商系神山某大型出口鹅养殖场。选用嘅每一只鹅平均系6斤几，真系只只瘦身鹅都甘fit！

▼平时食开嘅掌亦煲为左易淋亦熟，入边嘅掌亦都会斩细块，而呢度嘅掌亦煲唔一样，佢地中意成只鹅掌！成只鹅亦！落！煲！煮！

▼真系整只鹅掌&鹅亦，360°点咬都淋，足以证明呢煲嘢够晒火候。如果你觉得食掌亦系要有肉，甘你就大错特错了。食掌亦煲系要连骨都要嚼埋，先食到掌亦嘅精华！

▼本身掌亦位置会比较多胶质，全程滚住黎食，掌亦煲会越煮越浓稠越滋味，鹅掌鹅亦特有嘅风味，加上老板嘅秘制配方嘅味道，食到最尾连只手指都要舔干净！好食到根本停唔到口啊！

▼所以话自称花都掌亦煲第一人真系唔系乱吹噶！

▼一般掌亦煲上台系甘就系甘食了，斋食掌亦肯定会觉得单调，呢度嘅掌亦煲系唔！一！样！况且甘靓嘅鹅汁梗系唔可以放过啦！食到中途竟然可以加料！有咩好介绍啊？

▼小饭推荐呢个鹅肠，值得一试，超厚身超爽口，求其用滚水拖拖就可以食了。

≮鹅肠≯

▼觉得鹅肠都唔够喉，仲有其他鹅杂可以选择。冬瓜、白萝卜、豆腐卜……等蔬菜类别都系索味神器黎噶！大把配菜由得你任意选择，食个掌亦煲都好似系度打边炉甘！认真够晒过瘾！

除左掌亦煲

跟住落黎要介绍嘅菜色

都值得一试！

驰名烧鹅

▼新鲜烧鹅要出炉啦！！既然前面讲到只鹅甘鬼靓！唔整翻味烧鹅点对得住观众啊！？

▼真系唔系氹你噶！老世自己就有只烧炉，烧鹅自己烧自己卖，自己有资源就系甘鬼任性！

▼25蚊一个例牌！日日估清就系甘鬼受欢迎！新鲜出炉的原因，随便夹一块都系甘皮脆肉滑的，瘦身鹅就系灵舍不同，肉质厚实一滴都唔觉得肥腻！

↓更加惊喜嘅事情跟住黎↓

客家煎让豆腐

▼同烧鹅一样，呢度嘅豆腐一样自己磨！动手能力强就系甘任性！你吹咩？

▼豆腐一上台就已经香到离晒普，即刻起筷试下呢味豆腐先得！用筷子都夹得起证明到乜？火候够！豆腐够晒实净咯！入口嫩口黄豆味十足，呢味豆腐小饭要比10个good！

其他

▼黎翻煲水鱼煲鸡都几唔错噶！水鱼来自罗浮山仿野生养殖场，日日浸住罗浮山泉水，食住虾仔鱼仔，甘靓嘅伙食同环境养出黎嘅水鱼简直就系一级棒！系花都可能就得呢度有甘“野”嘅水鱼食。

↑水鱼煲鸡

↑酸菜鱼 时价

↑豉油王鹅肠 ￥25/例

↑水煮五福 ￥28/例

↑回锅肉 ￥28/例

↑碧绿尖椒 ￥28/例

↑家乡炆鹅 ￥38/斤

↑醋溜土豆丝

↑化皮烧肉 ￥33/例

≮搵食好提议≯

▼云山桥封路，住系周边嘅街坊想话改善伙食，系咪好鬼头痕咧？上面推荐嘅呢一间店就岩你地啦！

▼店如其名，入门就经已够晒喜庆，红当当一片，人一到都当堂开心晒啦。岩晒摆酒设宴啦！对！冇错！呢度真系可以摆酒设宴嘎！

▼仲可以根据个人需求要只包房，有埋麻将台嘎。得闲几兜友可以约埋一齐食完掌亦煲，仲可以直落搓翻几圈麻将先走添。

搵食地址

人均消费：30

店铺名字：喜庆酒家

店铺地址：花都区新华布心街2号（祈福小学附近）

营业时间：11:00-14:00,17:00-21:30

新街隧道出来之后转入工业大道，再转新街大道！

望到“东升五金机电”呢个招牌，就可以佢系对住嘅路口转左

转左之后一直行，差唔多行到尽头，喜庆酒家就系你右手边

,