沪语杂谈

1.打煞西，打个半死。

例句：某一日我听到隔壁张家额嗯子特伊拉爷讲，嘿，老棺材，拿埃铜钿拔我好伐，我好出去开销开销，最好是五百块，少额话用起来勿大畅快，死小鬼,问爷要钞票勿讲一句好听额闲话，让我开心开心，叫我老棺材，还讲钞票要用了畅快，搿拔闲话真让我气额半死啊，我脱侬讲，我非但勿拔侬一分盎钿，我还要毛竹板烤肉，非拿侬打煞西勿可，接着我真额看到伊拉爷手里倒拿了一根木柄拖把，追着伊额妮子打，伊妮子一看吓死，立马飞快地逃到了外头，睚到要好同学伊面，待等爷老头子气消了再回来。

2.敲煤饼，出钱嫖妓、玩弄女性。

例句：罗慧啊，侬额好朋友阿刘（我额姐夫），最近哪能呒来，阿刘哪能样子额银，侬会勿晓得吗，伊拉窝里厢额事体，侪是伊拉老婆做额，伊是从来勿做额，阿勿管，每天是切现成饭，切好饭，饭碗头一笃，老早死出去勒，搿伊去做啥奈，伊勿是去茶馆店与银嘎山湖，就是去舞厅，看中欢喜额，跳上几圈，一旦乌龟与王八蛋对上眼，轧起姘头来了，有晨光白相得好，白相出感情来，银家女银还会倒贴，白切白喝，老卵伐，阿刘本事大伐，觉得银有埃吃力了，就到汏脚店泡泡脚、抹抹精油开开背，嘴巴里喷喷香烟，看到中意额，顺大便敲敲煤饼，日脚好过了不得了，我现在勿好脱伊多啰嗦额，家嘴巴讲，阿刘勿是额好东西，侬脱伊少来往，家嘴巴勿欢迎伊来，所以伊现在赖勒少了。

3.五斤夯六斤，指人说话态度粗暴。

例句：哎，小王，侬现在是不是空了隑，还有罗工，侬拿手头额事体放一放，开一档人马到我们区常规管控地段去采几批水样伐，咦，王科，侬讲闲话客气埃好伐，王科听后讲，赖勒污管科，我是科长，侬是副科 ，侬必须听我额，勿听额话，侬试试看，月底我会扣侬奖金，阿唷喂，不得了了，不得了了，一个大科长，请侬讲闲话勿要五斤夯六斤好伐，我搿银是切软勿切硬额，有事体好商好量，啥额侪好讲，否则一切免谈，如果侬要借此因头，扣我奖金，我呒饭切，我就住到侬窝里去，勿相信额话，侬可以一试，我等了隑，我会奉陪侬到底，我倒勿相信 ，倒要看看啥银撑得下去。

4.毛姑姑，估摸有多少的意思。

例句：搿款意大利老头牌皮鞋，皮质细腻、软着、做工道地，肯定切价，我毛估估伊要好几千块盎钿了。

5.拿母温：蝌蚪，也指解放前在外资工厂工作的的车间主任或工头。

6.侪要，都要。

例句：芒弱病残孕幼都要照顾。

7.高头，上面。

例句：公车高头要静了再静。

8.晨光，时。

例句：绿灯辰光，转弯车子要让直行额。

9.勿吃，不吃、不抽。

例句：现在晨光，赖勒公共场合，勿吃香烟已成铁律。

10.额角头碰着天花板，指运气超好、忒好了。

例句：某一日，我参加了爱购上海电子消费券活动，之后拿到了消费券，当我将搿桩事体讲拔我朋友听时，朋友讲，侬是额角头碰着天花板啊，我讲是额是额，勿是每个人都能中的。

11.一塌糊涂，一天世界、乱七八糟、一团漆黑、杂乱无章、忒差劲了。

例句：看到某平台发布额一条消息，讲今遭子夜里厢福利双色球会开出超级大奖，有几个亿了，起点是侬要买20元的套餐，我是一哈子买了10套，之后我就等了隑看伊开奖，不料夜里厢开奖后，我一一对照，买了十套的，我是哈末事阿呒中，唉，搿运气一塌糊涂啊，我是呒闲话了。

12.插外快，获得意外惊喜、揩油。

例句：对于日常用品，我时常会了隑拼多多平台上买，因为末事本来便宜，买了后收到货运气好，还能小贼插外快、收到返现券，再拔店家额五星加好评，店家会立时打拔侬两到三块，算一算末事便宜到煞根，开心伐，哈哈。

13.介（ga)，这么。

例句：上海介繁荣，主要是一百六十年前开埠以后发生个变化。

14.赖勒，在。

例句：从松江、青浦一带个出士文物当中看到，上海西郊有六干多年历史， 但是现在城区大多数地方，赖勒唐朝以前还是海滩或者海，呒想到伐，好白相伐，呵呵。

15.“老克勒”，是从英语“colour”脱“classics” 里演化过来的，泛指解放前在洋人开的公司里任职或混迹于社会上的有点文化、有点地位的、样样侪懂一埃的人），至少是属于三脚猫级别的伐，呵呵。

例句：隔壁额张先生从前就在外国银开的洋行里做职员的，伊就是属于老遭子老克勒一类额银，精通切穿住行，有独立的见解，属于老懂经额朋友。

16.卖相，长相。

例句：噢哟，小张啊，呒看出，侬翻了套行头，头发梳得上清，看起来卖相不错吗，罗老师，我本来就勿难看额啊，比啥银摊般过（比啥人差过），是额是额，侬讲了阿对，小张比啥银差过奈，要卖相有卖相，要学历有学历，要技术有技术，侬是赖勒单位里老吃相额。

17.收骨头，收拾人。

例句：老遭子额晨光，一个比我小的小鬼头，老是赖勒外头讲我坏话，我勿开心了，于是我寻到伊，脱伊讲，我从来勿惹（za)银,伊家阿勿要来惹我，请侬勿要再赖勒外头乱放我洋风、讲埃开坏我额闲话了啊，一旦听到，我晓得般是（定是）侬讲额，我一定会收侬骨头额，请侬切生活（揍你），小鬼头讲，阿哥，我再阿勿敢了，我讲好伐，我就相信侬搿趟。

18.戳壁脚，在人背后说人坏话，觉得过瘾，是唯恐天下不乱。

例句：最最勿是末事额东西，是赖勒两头戳壁脚额银，搿拔银（这种人）最阴损勒，是坏到根了。

已入深秋，迷人秋景，让人着迷，最好恋爱。

浦江两岸，繁华依旧，流连此地，不思归程。

大桥天桥，纵横交错，便利交通，让人舒适。

,